CESURES-CHINA sete poemas ácratas incluso|
|ficha técnica| |reseñas| |galería|
1
a muller alta chámase teresa
ela foi un día a miña amante inadvertida
as fighuras do fondo fican esquençidas
teresa e máis eu sós
ela a façerse inghrávida no meu peso
e eu a debruçarme na súa flexión
façiamos sen sabelo un bo equipo.
2
todos fomos testemuñas dalghunha gherra.
anque os pais se tiveran requintado na temperatura
fría –por falta de apertas- da contenda 36-39
nós seghimos escoitando e vendo pasar homes
con cornetas e fusís
e seghimos véndonos escollidos para dar o ghran paso
-outro ghran paso-
a verdadeira historia tiña começado alí
cos mesmo fusís
cos mesmos uniformes
coa mesma bandeira
e nos mesmos intres a revolta
en pequín o rumor clandestino era como fume
de pitillo nos locais de café
verlle as braghas ás rapaças todos os días
velas ghirar libremente penduradas das argholas do parque
naquela liturghia de saias que profanaba a mirada.
3
mais fomos medrando
infrando corpo e mente
coas bandeiras
con mao
o meu pai insistía na representaçiçon que eu tiña del
façíamos estable e levadeira a vindeira corrupçión do imperio
cumpría obedeçer mentres estiveran vivas as imaxes
-unha tras doutra- os estandartes domésticos:
pai fillo irmán
deveçíamos elevarnos no ar para ver
como a muralla china describía a súa estratexia de serpe
para encher de ponçoña a familia
4
a min podíame a marghura tronçar
nas miñas frevas o estertor vindeiro
adiviñando no leito como apodreçe os corpos a morte
e o abandono da memoria
en china os mençiñeiros tamén cultivan
herbas que curan o mal
a dor que se presinte íntimo inquilino
do ser amable da muller valenta
os escáneres pretendían debuxar os trebóns
das çélulas e traçaban a cartoghrafía das correntes
submariñas da carne mentres nós
aínda nenos façiamos acrobaçias nos ghimnasios estatais.
5
falabamos de baudelaire e huxley
de castaneda e l. rampa
nos amighables encontros da residençia do partido
descobrimos o opio nos canellóns xunto a tianamén
e dispuxemos botarlle un pulso a ocçidente
atreviámonos a subir por adivais longos
para deixarnos caer logho enriba de quen nos aclamaba
queríamos ser a multitude
voltar a ser ela mesma.
6
de novo sempre a gherra
a gherra violenta física brutal
a contenda cotiá por permaneçer a carón dela
ser coadxuctor dela amado dela
prinçipal muller do paço familiar
que envía bombas de man e ghranadas
en cada bico seu.
7 (zoom)
demasiado preocupados pola invasión ghaponesa
42-45 esqueçemos o fitar dos cativos
no fondal da retina amoleçen as caretas
que lle deu a tribo para quentar a batalla
tras deles acarrexan cadavres con rotina de máquina
homes que son aínda a semente das cruçadas
só nos aprenden a mirar polas fiestras dos coleghios
os coches dende os que descarghan mortos
o método consiste en ir desfiañando a mirada
ate façela opaca ou útil
(convértoa en zoom para poder mirar
as ghorras de prato e os ghalóns)