| porquoi le cochon? porquoi les porcins? |  |Voici pourquoi je pratique le réseau mondial d'art postal |  

porque o porco está nas línguas: nos refráns, nas expresións, lendas, fábulas, contos, na literatura, nos vocabularios, nos poemas, nos proverbios, nos insultos

porque está nas culturas e particularmente na nosa

porque está no simbólico, na mitoloxía, nas crenzas, na política, no folclore, nos escudos e nas moedas

porque están na astroloxía china: “sincero, honesto, culto, amigo marabilloso, inxénuo e indefenso e que a mentira desarma”

porque está na natureza mais tamén na industria, na ciencia, na economía

porque está no noso bandullo, na nosa cabeza –un é o que come-

porque está no debuxo, no cómix, na pintura, nos graffitis, na arte correo, na tarxeta postal, na filatelia

porque está na vosa tv, no cinema, na música e na canción

porque está nos xogos

porque está na fotografía, na publicidade

porque, o galopín, é a outra imaxe do demo

porque é un animal-espello

porque pode ser útil, doce, fidel, intelixente, pode ser porco de compañía, porco de circo, de escena...

porque, coma nós, sofre estréss e úlcera de estómago en docilidade

porque dá sorte e é moi cariñoso cando non está atado

porque a proximidade ao humano é evidente

porque é libre e salvaxe

porque simboliza o poder espiritual por oposición ao oso (poder guerreiro e temporal), el é tamén resistencia, subversión, el é rebelde e forte

porque é á vez rosa e negro: dualidade, contradicción

porque un home durme dentro do porco

porque o porco está sobre o gume do coitelo e, a pesar do matadoiro, da carnicería, da guerra, el reina

porque, aparte de pertencer á familia zoolóxica dos humanos, eu non desprezo a parte de animalidade que está en min e en cada ser

porque o popular, o común, o burlesco-ubuesco, o xogo, para min, teñen un valor

porque me permite á vez rir e chorar; gracias ao porco, podo desacralizar e crear: é cósmico e cómico

porque o porco é feo e guapo (a fealdade non existe, a beleza non existe)

porque DADA e FLUXUS o coñecen

porque está decididamente por todas partes: universal, inasible

porque EXPOPORC e as miñas creacións permítenme facer o visible visible

 

mirándoo así de perto, o porco non é tan parvo, verdade? .